گود -وكالات//

علنات ملكة البوب مادونا باللي الألبوم الجديد ديالها “Confessions on a Dance Floor:Part II” غادي يخرج فـ3 يوليوز 2026 من شركة “وارنر ريكوردز”، وهو أول ألبوم ليها من بعد سبع سنين.

الألبوم هو الجزء الثاني من الإصدار ديالها فعام 2005، اللي خرجات منو أغاني “Hung Up” و”Sorry”، وكتتعاون فيه مرة أخرى مع المنسق الموسيقي ستيوارت برايس.

النسخة العادية فيها 12 أغنية ميكس، أما النسخة الديلوكس كتوصّل لـ16 أغنية، ومن بين الأغاني المؤكدة كاينة “One Step Away” و”I Feel So Free”.

وقالت مادونا فتصريح ديالها: “أنا فرحانة بزاف حيث غا نرجع للجمهور ومتشوقة للمستقبل وإنتاج الموسيقى، وندير داكشي اللي ما متوقعش”.

وقبل هاد الإعلان، مادونا مسحات جميع المنشورات ديالها من “إنستغرام” وبدلات الصورة الشخصية ديالها، وهاد الشي تفسّر عند المتابعين على أنه أسلوب ترويجي مقصود.