وكالات//

قال رئيس وزراء التشيك أندريه بابيش، باللي كيأيد حظر استعمال وسائل التواصل الاجتماعي من طرف الأطفال اللي العمر ديالهم أقل من 15 عام، فواحد الوقت اللي عدد من الدول الأوروبية كيتزاد وكيخططو يفرضو قيود بحال هادي.

كاينين دول بحال إسبانيا واليونان وبريطانيا وفرنسا كيدرسو ياخذو مواقف أكثر صرامة بخصوص استعمال السوشيال ميديا، بسبب التخوّف من الآثار السلبية المحتملة على الأطفال، خصوصاً من بعد ما ولات أستراليا أول دولة كتمنع الولوج لهاد المنصات للي أقل من 16 عام فشهر دجنبر للي فات.

وقال بابيش ففيديو نشره فعدد من الحسابات ديالو على وسائل التواصل الاجتماعي، نهار الأحد، بلا ما يعطي تفاصيل أكثر:

“أنا كنأيد هاد الشي حيث الخبراء اللي كنعرف كيقولو باللي عندو ضرر كبير على الأطفال. خاصنا نحميو ولادنا”، حسب ما أوردت وكالة “رويترز”.