الرئيسية > تبركيك > من بعد الپوليميك على الفاكسان والعجز الجنسي.. رئيس وزراء بريطانيا رد على نيكي ميناج 
17/09/2021 00:00 تبركيك

من بعد الپوليميك على الفاكسان والعجز الجنسي.. رئيس وزراء بريطانيا رد على نيكي ميناج 

من بعد الپوليميك على الفاكسان والعجز الجنسي.. رئيس وزراء بريطانيا رد على نيكي ميناج 

وكالات //

نوضات المغنية الميريكانية نيكي ميناج الصداع بعدما قالت أن شي صديق ديال واحد من عائلتها دار الفاكسان وتنفخو ليه باقلو وجاه العجز الجنسي بمرة.

السلطات في بريطانيا ماتعطلوش، ودار رئيس الحكومة بوريس جونسون ندوة صحافية انتاقد فيها كلام المغنية اللي متبعها أكثر من 22 مليون واحد في موقع “تويتر” بلاما ندويو على جمهورها فـ “أنتسكَرام” اللي كبير حتى هو.

من الجهة ديالو طلب وزير الصحة البريطاني ساجد جاويد من المشاهير باش يردو البال أكثر لتصريحاتهم لأنها كتأثر على الناس.

و فنفس السياق، ذكرت بعض وسائل الإعلام أن البيت الأبيض هضر مع المغنية نيكي من بعد هاد الپوليميك اللي تسببات فيه، وماذكروش تفاصيل أكثر على هاد الاتصال.

نيكي قالت أنها لحدود الساعة مازال مادارتش الفاكسان حين مامقتانعاش وباقي كتجمع المعلومات اللي خاصاها تعرف عليه، حسب كلامها.

موضوعات أخرى