عمر المزين – كود///

علنات المديرية الإقليمية لوزارة التربية لوطنية والتعليم الأولي والرياضة بالمضيق لفنيدق أنه تقرر باش توقف لقراية بجميع المدارس.

هاد القرار جا، حسب المديرية، بعد النشرة الإنذارية حول الاضطراب لي كاين فالأحوال الجوية وتفعيلا للتوصيات ديال خلية اليقظة الإقليمية، وجا حتى حفظا على السلامة ديال التلاميذ والأطر التربوية والإدارية.

قرار مماثل آخر شمل حتى المدارس كلها لي كاينة فعمالة الفحص أنجرة. وهادشي كشفت عليه المديرية الإقليمية للوزارة تما.