كود – وكالات//

كيوجد النجم البرتغالي كريستيانو رونالدو، مهاجم النصر السعودي، باش يدير تجربة جديدة ، مني قرر يدخل لعالم الإنتاج الدرامي من مسلسل عالمي كيهضر على كواليس الكرة وسوق انتقالات اللاعبين، واللب غادي يشارك فيه كممثل.

وحسب جريدة The Sun البريطانية، فرونالدو غادي يكون المنتج التنفيذي ديال هاد العمل، اللي كدور القصة ديالو على حياة وكيل لاعبين والصعوبات والتحديات اللي كيعيشها  اللاعب وسط عالم الصفقات والانتقالات، أما الدور الرئيسي غادي يلعبو الممثل البريطاني داميان لويس، المعروف بمسلسل Homeland.

وضافت الصحيفة أن تصوير المسلسل بدا ، أما رونالدو غادي يبان فعدد من المشاهد، بالإضافة للدور ديالو كمنتج.

وكشفات التقارير حتى أن النجم الفرنسي تييري هنري غادي يشارك هو الآخر فالمسلسل، اللي سميتو Day 1s، واللي جاي من تجربة وكيل اللاعبين و اللي كيعتبر واحد من المنتجين التنفيذيين ديالو.

أما الإخراج، فغادي يكون من توقيع المخرج البريطاني ماثيو فون، ومن المنتظر  يجمع المسلسل بين الدراما الرياضية وكواليس عالم الاحتراف، بمشاركة عدد من الوجوه المعروفة فمجال الكرة.