الرئيسية > آش واقع > من بعد الزبلة ديالو في اللقاء مع خارجية كوسوفو.. بنعرفة كيرطب الطرح مع صربيا
06/03/2019 16:10 آش واقع

من بعد الزبلة ديالو في اللقاء مع خارجية كوسوفو.. بنعرفة كيرطب الطرح مع صربيا

من بعد الزبلة ديالو في اللقاء مع خارجية كوسوفو.. بنعرفة كيرطب الطرح مع صربيا

الوالي الزاز -كود- العيون ////
Elouali.zaz.1987@gmail.com

استقبل رئيس الحكومة، سعد الدين العثماني، صبيحة اليوم الأربعاء، نائب الوزير الأول ووزير التجارة الدولية والمواصلان الصربي، راسيم ليافيتش، بمقر رئاسة الحكومة.

ويندرج اللقاء بين الجانبين في إطار   إطار انعقاد أشغال الدورة الثانية للجنة المشتركة المغربية-الصربية، حيث تبادل الطرفان وجهات النظر حول السبل الكفيلة بترقية العلاقات الثنائية بين اليلدين على مختلف الأصعدة.

هاد اللقاء وهاد اللجنة المشتركة ما جاتش هكاك، بحيث يسعى من خلالها سعد الدين العثماني للتغطية على الخطأ الكارثي لي دار على هامش انعقاد أشغال الجمعية العامة بنيويورك السنة الماضية، ويتعلق الأمر باللقاء لي دار مع وزير خارجية كوسوفو لي باغي دعم المغرب لمواجهة صربيا لي كيعتابروها الكوسوفيين “احتلال”.

الخطأ لي ارتاكب العثماني كان يكون ثمنو باهض جدا وينسف جهود الدبلوماسية المغربية على مستوى أوروبا الشرقية ودول البلقان، لي هي بلدان تتماشى  مع الوحدة الترابية للمملكة، وبعضها صوت على البروتوكولات التجارية بين الاتحاد الأوروبي والمملكة المغربية.

بنعرفة دابا عاد بان ليه يرطب العلاقات مع صربيا. ياسيدي شكون أصلا قاليك تلاقى شي حد من كوسوفو وتحطنا فموقف خايب مع دولة متفاهمين معاها وعندنا معاها مصالح مرتابطة بالوحدة الترابية للمملكة والسيادة الوطنية.

موضوعات أخرى