الرئيسية > كود-تيفي > من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو
01/10/2022 14:00 كود-تيفي

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو

أسماء غربي -كود//

من بعد قل من 24 ساعة على الروينة لي ناضت البارح في تيران راسينكَ في كازا لي كانت فيه سهرة من مهرجان البولفار، خرجات اللجنة المنظمة اليوم وقدمات اعتذار لكَاع الناس لي حضرو وعاشو ساعات في الجحيم.

وجا في البلاغ الصحافي أن التيران مقدرش يستوعب العدد الكبير ديال جمهور الراب/هيب هوب، داكشي علاش سدو البيبان مع 8 ديال العشية لكن شي وحدين نقزو الحيوط ودخلو هجمو وهنا بدات الروينة.

البروكَراماسيون غادي تستمر اليوم وغدا كيفما كان مقرر، غير الجمهور غادي يبدا يدخل مع الخمسة عوض الربعة وماغاديش يبقا الكونصير مع الديجي.

وأدان فريق البولفار أحداث الشغب لي وقعات ولي قالو أنها مكتشرف حتى واحد: لا المهرجان لا الجمهور لا الفنانين الحاضرين.

وجا في نهاية البلاغ: إن الحب الذي نُكنه للموسيقى، والجهود التي نبذلها من أجل تطوير الفنون الحضرية، وإيماننا بالشباب المغربي سيظل ثابتا وفي مكانته، على الرغم من الأحداث التي تم تسجيلها يوم أمس.

موضوعات أخرى