الرئيسية > كود سبور > من بعدما كان غادي لتوتنهام.. فراقي كبار باغيين المحارب المغربي سفيان أمرابط اللي بلوكا كرواتيا
24/11/2022 12:56 كود سبور

من بعدما كان غادي لتوتنهام.. فراقي كبار باغيين المحارب المغربي سفيان أمرابط اللي بلوكا كرواتيا

من بعدما كان غادي لتوتنهام.. فراقي كبار باغيين المحارب المغربي سفيان أمرابط اللي بلوكا كرواتيا

كود سبور//

صبح سفيان أمرابط لعاب المنتخب الوطني المغربي قريب ينتقل من فيورنتينا الطالياني لفرق بقيمة كبر فالميركاتو الصيفي اللي جاي، النيفو ديالو فماتش المغرب زاد أكد هادشي.

الطالياني فابريسيون رومانو اللي متخصص فالانتقالات ديال اللعابا والمدربين فالطاليان وأوروبا كشف بلي المحارب المغربي فوسط التيران باغياه مجموعة من الفرق ومتبعاه باش تسني معه فالصيف الجاي، من بعد الماتش اللي دار البارح ضد كرواتيا والنيفو اللي كيقدم مع فيورنتينا فبطولة الطاليان من بدية هاد العام.

وكان سفيان المرابط قريب ينتقل من فيورنتينا الطالياني الصيف اللي فات لتوتنهام الننكليزي وكان باغيه المدرب انتونيو كونتي باش يلعب معه، ولكن الصفقة ما كملاتش فاخر لحظة.

https://m.facebook.com/story.php?story_fbid=pfbid0Av9xE53caygdGFBjNZ41sMKHM3KNz4QGm8fTkcCZTg8kViU4FpFptFr8rtsh1o3rl&id=100057525006204&sfnsn=mo&extid=a&mibextid=RUbZ1f

موضوعات أخرى