الرئيسية > كود سبور > من بعدما فرح الوداديين حيث حيد عموتة.. الناصيري داير اجتماع مع الفرقة باش يقاد أمورها
01/12/2022 11:32 كود سبور

من بعدما فرح الوداديين حيث حيد عموتة.. الناصيري داير اجتماع مع الفرقة باش يقاد أمورها

من بعدما فرح الوداديين حيث حيد عموتة.. الناصيري داير اجتماع مع الفرقة باش يقاد أمورها

كود سبور//

غادي يجتمع سعيد الناصيري رئيس الوداد الرياضي مع اللعابا اليوم الخميس، من بعدما تقرر الانفصال على المدرب الحسين عموتة حيث مشى يحلل ماتشات كأس العالم فقطر وخلى الفرقة كتدرب بوحدها فالمغرب، مع علم أن بطل المغرب وإفريقيا عندو التزامات محلية وقارية خاصو يوجد له فهاد الوقت اللي واقفة فيه الكرة بسبب إقامة كأس العالم.

وكشف مصدر مطلع بلي سعيد الناصيري غادي يبرك مع اللعايا ديال الوداد اليوم، وهادشي باش يسمع لهم وشنو خاصهم واللي عندو شي طلب واللي عندو شي مشكل يحلو له، فالوقت اللي تقرر إلغاء الحصة التدريبية اللي كانت غادي تكون فتيران بنجلون.

وقرر سعيد الناصيري رئيس الوداد الرياضي يحيد المدرب الحسين عموتة من الفرقة، حيث مشى لقطر يحضر افتتاح كأس العالم وما بقاش رجع حيث بدا يحلل ماتشات المونديال، وهادشي اللي شافو الناصيري ما لايقش وما مسلكش حيث النادي كبير على هاد الأمور، وقرر ينفصل عليه وهو القرار اللي فرح جمهور الوداد ورتاح له.

وكان الوداد الرياضي تعاقد مع الحسين عموتة قبل من حوالي 4 أشهر على دابا، بطلب من الجمهور ديال النادي الشي اللي خلى سعيد الناصيري يدير لهم خاطرهم ويسني معاه، مع العلم أن الناصيري وجمهور الحمرا صبرو مع عموتة بزاف حيث الوصول ديالو للفرقة جا اصلا معطل بسبب الالتزام اللي كان عندو مع المنتخب المحلي ومن بعد منها كان كيمشي يدرب المنتخب الأولمبي واعتبرو بلي هادشي مهمة وطنية والوداد فرقة دائما كانت فخدمة الكرة المغربية والبلاد، ولكن ملي مشى لقطر يحلل الماتشات اعتبر الناصيري هاد الفعل ما مقبولش وما يمكنش يسكت عليه واتخذ قرارو بالانفصال عليه.

موضوعات أخرى

03/02/2023 07:00

خفظي باي باي من الباطرونا بسباب التنوعير والقوالب لي مورط فيها مولاه النعمة ميارة

03/02/2023 02:00

الصحافة رجعات لقصة مدرسة الأيتام لي خلقات البوز.. 16 يوم والتلاميذ كيضحكو بلاما يحبسو