كود – وكالات //

مورا ما توجات إسبانيا بلقب كأس العالم 2026  حيحو لاعبي “لاروخا” فالفيستيير وضربو الطاسة وكماو سيگار.

https://x.com/i/status/2079033946172489848

الحارس أوناي سيمون، اللي ربح جائزة أحسن حارس فالمونديال، قال بلي “باقي مامصدقش و ملي نرجعو لإسبانيا غادي نعرفو شحال هاد اللقب كبير.”

وسط مستودع الملابس، اللاعبين شربو البيرة والشمبانيا، اما لامين يامال كما سيگار احتفالاً بالتتويج، وفتح ماركوس يورينتي قرعة ديال الروج ساوية 2000 يورو باش يفرح بهدف فيران توريس اللي عطاهم اللقب.

المدافع مارك كوكوريا، المعروف بضحك قال بلي غادي يفي بوعدو ويدير وشم لوجه المدرب لويس دي لا فوينتي، ولكن مزال كيقلب على شي بلاصة  كبيرة باش يبان مزيان !