الرئيسية > كود سبور > من بعدما جمعهم الناصيري وهز لهم المورال.. اللعابا ديال الوداد رجعو للتداريب متحمسين
02/12/2022 16:15 كود سبور

من بعدما جمعهم الناصيري وهز لهم المورال.. اللعابا ديال الوداد رجعو للتداريب متحمسين

من بعدما جمعهم الناصيري وهز لهم المورال.. اللعابا ديال الوداد رجعو للتداريب متحمسين

كود سبور//

رجع الوداد الرياضي كيتدرب اليوم الجمعة، من بعدما استفدو اللعابا ديال الفرقة البارح من الراحة حيت دارو اجتماع الرئيس سعيد الناصيري وتفرجو معه فالمنتخب الوطني المغربي اللي مشارك فكأس العالم.

واستانفو اللعابا ديال الوداد التداريب ديالهم اليوم تحت إشراف كل من المدربين المساعدين مصطفى الخلفي ومحمد العلوي الاسماعيلي فتيران بنجلون، وهي الحصة اللي عرفات تواجد كل من جلال الداودي ومؤيد اللافي اللي كيتسنى جمهور الحمرا يشوفهم لاعبين ملي ترجع البطولة حيث كانوا موعتين، وعودة الدولي الجزائري الحسين بنعيادة الفرقة من بعدما كان توعت منتخب بلادو ملي كان معه فتجمع إعدادي قبل أيام.

وكان سعيد الناصيري رئيس الوداد الرياضي اجتمع باللعابا وهز لهم المورال البارح الخميس وتفرج معهم فماتش المغرب ضد كندا فكأس العالم وسط أجواء عائلية وحماسية، من بعدما قرر يحيد المدرب الحسين عموتة من الفرقة حيث خلاها الفرقة بوحدها كتوجد لاستئناف البطولة ومشى يحلل ماتشات كوب ديموند فقطر.

موضوعات أخرى

03/02/2023 07:00

خفظي باي باي من الباطرونا بسباب التنوعير والقوالب لي مورط فيها مولاه النعمة ميارة

03/02/2023 02:00

الصحافة رجعات لقصة مدرسة الأيتام لي خلقات البوز.. 16 يوم والتلاميذ كيضحكو بلاما يحبسو

02/02/2023 21:42

الاجتماع الـ12 رفيع المستوى بين المغرب وإسبانيا خرج بتوقيع اتفاقيات تعاون في هاد المجالات