وكالات//
تقتل الرئيس التنفيذي لشركة “يونايتد هيلث كير”، أكبر شركات التأمين الصحي ميريكان، الأربعاء، فواحد الهجوم مسلح من المسافة صفر حدا أوطيل هيلتون في مدينة نيويورك.
على حساب ماقالت وسائل إعلام محلية، فبراين تومسون (50 عامً) تعرض لإطلاق النار قبل السبعة ديال الصباح بتوقيت شرق ميريكان في حادث وصفوه أنه “متعمد” و”مستهدف”.
المهاجم، لي تصور في كاميرات المراقبة، كان لابس واحد الماسك كحل ودار كاتم صوت في الفردي ديالو باش ماتسمعش الطلقات ديال الرصاص.
وهرب منفذ الهجوم مباشرة بعد الجريمة ديالو ولحد الآن ماقدروش البوليس أنهم يتعرفو على الهوية ديالو.
ودارو البوليس واحد الإعلان كيديرو فيه مكافأة ديال 10 آلاف دولار لكل واحد يعطي معلومات على المنفذ ديال هاد الجريمة الخطيرة.
