وكالات//

هاد القصة ديال النجم البرتغالي كريستيانو رونالدو مع الأرقام القياسية مابغاتش تسالي، ومن الكرة داز دابا للمشاهدات وليزابوني ديال يوتيوب.

وقال “الدون” لي كيلعب دابا في النصر السعودي، في لقاء ليه مع الصحافيين، أنه بغا يحطم الرقم القياسي ديال عدد ليزابوني لي كاين عند الميريكاني مستر بيست MrBeast.

ومعروف أن صانع المحتوى المشهور عندو دابا في لاشين ديالو على يوتوب أكثر من 313 مليون أبوني وهو الأعلى دابا في العالم كامل.

وكيبان أن رونالدو غادي في الطريق نيت باش يحطم هاد الرقم، حينت جمع في ظرف نص نهار 10 ملايين أبوني، وهو العدد لي حتاج فيه مستر بيست 132 يوم باش يوصل ليه.