وكالات//

لقاو واحد السفينة تجارية غارقة من القرن السادس عشر حدا سواحل فرنسا، وفعمق ما سبقش تدار فيه شي اكتشاف بحري من هاد النوع، وهادشي خلا العلماء يهتمّو بيها بزاف، خصوصاً حيث ظروف الغرق ديالها باقا غامضة.

الحطام ديالها تْشاف بواحد المسبار ديال صدى الصوت تابع للبحرية الفرنسية، قرب بلدة سميتها راماتوي فالبحر الأبيض المتوسط، وفين كترقد هاد السفينة اللي طولها 30 متر وعرضها 7 متر، فعمق 2600 متر ـ أعمق حتى من الغواصة “مينيرفا” اللي غرقت فـ1968.

حسب أولى التقارير، السفينة تقلبات، ولكن السبب ما معروفش، حسب ما قالت مجلة ” “Smithsonian Magazine.

الغريب فالأمر هو أن الجهة الخلفية من عنبر الشحن كانت خاوية تماماً، وهادشي ماشي عادي فالسفن التجارية، بينما فالمقدمة والوسط لقَاو كميات كبيرة من الأواني الخزفية وقضبان حديدية فحالة زوينة بزاف.

ووضحات التقارير الفرنسية أن السفينة يمكن كانت جاية من إيطاليا، لكن الوجهة ديالها ما معروفاش.