وكالات//

كتواجه واحد البنت زوينة، سميتها صباح عيب، ومن أصول مغربية وجزائرية واحد الحملة شرسة ديال العنصرية والكراهية في فرنسا، حينت هي من أبرز المرشحين أنها غادي تكون ملكة جمال فرنسا لعام 2025.

وغادي تدار هاد المسابقة نهار 15 في الشهر الجاي، وهاد الغزالة هي المرشحة رقم واحد باش تهز التاج، ولكن هادشي يمكن معاجبش بزاف ديال الفرانساويين.

وربحات صباح، لي باباها جزائري وماماها مغربية لقب ملكة جمال في المدينة ديالها “با دو كاليه” وكيقولو إنها عندها أكبر الحظوظ باش تربح اللقب.

هاد البنيتة لي عندها 18 عام كتتعرض دابا لحملة عنصرية وكراهية من بزاف ديال الفرانساويين، غير حينت عندها أصول من شمال إفريقيا، خاصة على مستوى مواقع التواصل الاجتماعي.