گود سبور//

عبر المغربي الإسباني منير نصراوي الأب ديال النجم الإسباني من أصول مغربية لامين يامال لاعب البارصا، على الصدمة ديالو حيث ولدو خسر الكورة الذهبية لعام 2025، اللي ربحها الفرنسي عثمان ديمبيلي لاعب باريس سان جرمان الفرنسي.

منير نصرواوي وخلال تصريح له لبرنامج “ال تشيرينگيتو” الإسباني، عبر على عدم رضاه بنتيجة البالون دور، وقال: “شي حاجة غريبة وقعت.. ماش خونة، ولكن ولدي لامين يامال أحسن لاعب فالعالم وما عندوش منافس والفرق كبير وبزاف ما بينو وبين البقية والكورة الذهبية العام الجاي ديالو”.

واحتل لامين يامال المركز الثاني فتصويت البالون دور، ورا الفرنسي عثمان ديمبيلي اللي ربح الجائزة، مع العلم أن يامال ربح جائزة “كوبا” المخصص لأحسن لاعب شاب فالعالم لعام 2025، وهي الثانية له على التوالي بعد 2024.