كود كازا ///

كشفت وسائل اعلام صبليونية هاد الصباج لخميس 15 غشت 2024 باللي حالة المغربي منير نصراوي والد لاعب البارصا ومنتخب اسبانيا لامين جمال “مستقرة” فمستشفى “كان روتي” ب”بادالونا” بكاطالونيا. كما اكدت وسائل الاعلام ان اصابتو خطيرة. القصة بدات البارح ما بين 9 ونص و10 بحي “ماتارو” باش كان المغربي كيدور مع كلبو. تلاقى شي وحدين عندهم معاه شي حساب وسبق لاحو عليه الما من البالكون٬ وضربوه بموس.

شرطة كاطالونيا “موسو دي ايسكوادرا” شدات البارح 3 متهمين بهاد الاعتداء. واضافت باللي من المتوقع يكون عدد المعتقلين كثر.
هاد لخبار ولى حدث كبير فالاعلام الصبليوني من تلفزيون واذاعات حتى صحف ومجلات.

ادارة “البارصا” حسب “الموندو ديبورتيفو” كتبع تفاصيل هاد الحادث. وقالت باللي على اتصال مع البوليس والصبيطار باش يعرفو اخر الاخبار. وتوقعات باش جمال لامين يقدر ما يدربش هاد الصباح٬ غادي يكون مشغول بصحة والدو