كود سبور//

طمن الدولي المغربي منير الحدادي لاعب استقلال طهران الإيراني، المتابعين ديالو على حالتو الصحية وأكد أنه لاباس عليه، بعدما حصل فإيران بسبب الحرب.

وخرج منير الحدادي قبل لحظات من اليوم الاحد، وقال فسطوري على إنستغرام: “كانشكر كلشي اللي صيفطو ليا ميساجات كايسولو على الوضع ديالي، البارح كنت غادي نخرج من إيران فالطيارة، ولكن ما قدراتش تقلع وجلاونا”.

وكمل الحدادي: “عطاوني فرقتي طوموبيل باش نقدر نخرج من إيران فالبر، وقدرت ندوز من الحدود بلا مشاكل ودابا أنا كاين فتركيا بأمان وغادي نوصل لإسبانيا فالساعات اللي جايين”.