الرئيسية > آش واقع > منيب انسحبات رسميا من فيدرالية اليسار. وعلي بوطوالة لـ”كود”: قالت انها انسحبات بسباب مشاكل كيتخبط فيها الاشتراكي الموحد.. والمسؤولون على الانسحاب كيتحملو مسؤولية إضعاف اليسار
29/06/2021 20:30 آش واقع

منيب انسحبات رسميا من فيدرالية اليسار. وعلي بوطوالة لـ”كود”: قالت انها انسحبات بسباب مشاكل كيتخبط فيها الاشتراكي الموحد.. والمسؤولون على الانسحاب كيتحملو مسؤولية إضعاف اليسار

منيب انسحبات رسميا من فيدرالية اليسار. وعلي بوطوالة لـ”كود”: قالت انها انسحبات بسباب مشاكل كيتخبط فيها الاشتراكي الموحد.. والمسؤولون على الانسحاب كيتحملو مسؤولية إضعاف اليسار

عفراء علوي محمدي- كود//

عرفات “كود” أن اجتماع دار اليوم الثلاثاء بين الأحزاب الثلاثة لفيدرالية اليسار الديمقراطي، اسفر على إعلان منيب انسحاب حزبها من الفيدرالية بشكل نهائي.

هذي كانت مفاجأة غير متوقعة ومازويناش بالنسبة للكاتب الوطني لحزب الطليعة، علي بوطوالة، وعبد السلام لعزيز، الأمين العام لحزب المؤتمر الوطني الاتحادي، فواحد تايمينكَ صعيب، والمغرب على بعد أشهر قليلة من محطة الاستحقاقات التشريعية.

وفحديثو ل”كود” على هذشي، قال لعزيز أن منيب بغات تنسحب حيت كتقول أن عندها مشاكل كيتخبط فيها الاشتراكي الموحد، ولقات صعوبة فالتعامل مع التيار، واقترحات بهذشي تتحل الفيدرالية فخطرة، ويرجع كل حزب يشارك فالانتخابات وحدو، وهذشي اللي كشف لعزيز أنه ماغيكونش.

وزاد: “صعيب نحلو التحالف ديال الأحزاب الثلاثة دابا، كان خاص تتحل هذ المشاكل فالحزب، ولا داعي لحل الفيدرالية… حنا من جهتنا كحزبين متبقيين مستحيل نساهمو فهذشي، وغنبقاو متحالفين، ومستمرين، وغنشاركو فالإنتخابات مع اليساريين المآمنين بهذ المشروع”.

وماعرفش لعزيز واش كان هذا قرار الحزب كلو أو طرف منو، “وأنا كنحمل مسؤولية إضعاف اليسار للرفاق اللي قررو ينساحبو بهذ الطريقة”، على حساب هضرتو.

وقال أن اليسار واجه مشاكل، والفيدرالية دخلات للانتخابات من 2007، وف2009 و2015 و2016، وكتكون مشاكل وصعوبات لكن كيتم تجاوزها، من أجل تحقيق هدف تقوية اليسار وفرضو فالساحة السياسية. واكد لعزيز أن اليسار دابا فحاجة لتنظيم قوي ويكون حاضر وقادر أنه يأثر.

وحول ما إلى كانت منيب بغات تترشح بوحدها، صرح لعزيز أن هذي هضرة كتقال: “ممكن تدخل برمز الشمعة فالانتخابات المقبلة بحال ف2003، والحزب الاشتراكي الموحد كيبقى حزب مستقل ومن حقو، لكن فالمقابل هذشي مؤسف، والمشاكل كان بإمكان الاشتراكي الموحد يحلها لكن بلا مايفكر فالانسحاب”، حسب تعبيرو.

موضوعات أخرى

28/05/2022 19:20

الغش فالامتحانات المدرسية.. “لابيجي” فوجدة حصلات شخص متلبس بترويج أجهزة لاسلكية كونطربوند وكارطات “VIP Pro” – تصويرة

28/05/2022 18:30

خطة المغرب لتصدير الهيدروجين الأخضر إلى أوروبا ما مفرشاش بالورد. دراسة هولندية كشفات أن تكاليف الإنتاج ديال الوقود غادي تكون أغلى 11 مرة من الغاز الطبيعي

28/05/2022 18:00

مدابزة خايبة بين جوج عائلات ففاس سالات بجريمة قتل.. قاضي التحقيق هبط اليوم 3 متهمين لحبس “بوركايز” والقتال فعمرو 77 عام

28/05/2022 17:00

آه العرا هو الحضارة و الوضعية ديال المرأة في أي بلاد هي لي كتعكس التحضر والمدنية ديالها البلدان الحرة لي كيغامرو الناس بحياتهم باش يمشيو ليها راه المرأة فيها عندها حقوق كإنسان كامل الأهلية حر مسؤول على راسو وتصرفاتو