وكالات//

تاهمات محكمة فكينيا واحد الشيفور ديال طاكسي تحول بين ليلة وضحاها لقائد طائفة دينية وروحية بقتل أكثر من 190 دري صغير، والمئات من الناس لخرين بعدما تبعوه فالهبال ديالو.

على حساب ماقالت الصحافة فكينيا، فهاد السيد لي سميتو بول ماكنزي نثينجي، ومعروف على أنه مؤسس كنيسة البشارة الدولية، كان كيقول للأتباع ديالو يموتو بالجوع باش يستاعدو لنهاية العالم.

ودابا المحكمة تاهماتو بالقتل غير العمد والتعذيب وهادشي جا بعدما كشف البوليس على هاد القضية لي ولات معروفة إعلاميا باسم: “مذبحة غابة شاكاهولا”.

كتقول التقارير الصحفية أن 400 واحد ماتو فهاد الغابة، والبعض منهم لقاوهوم ميتين بالضرب أولا مخنوقين.