كود – سبور //

تابع فوزي لقجع، رئيس الجامعة الملكية المغربية لكرة القدم، البارح السبت، الماتش ديال المنتخب المغربي ضد البرازيل، اللي سالا بالتعادل 1 لواحد، بمناسبة الدورة الأولى من المجموعة الثالثة فكأس العالم 2026.

وكان لقجع حاضر فهاد القمة الكروية من ملعب ميتلايف فـنيويورك نيوجيرسي، مع عدد من الشخصيات الرياضية والدبلوماسية المعروفة، من بينهم باتريس موتسيبي رئيس الكاف، وناصر الخليفي رئيس باريس سان جيرمان، وعمر هلال سفير المغرب لدى الأمم المتحدة، ويوسف العمراني سفير المملكة المغربية فالولايات المتحدة الأمريكية.

التريبيلات عرفات حتى حضور مجموعة من أساطير ونجوم كرة القدم العالمية، بحال رونالدو البرازيلي وروبرتو كارلوس وكاكا، وزين الدين زيدان ونيمار.

كما كان فالمعلب رونالدينيو وديفيد بيكهام، والمؤثر الأمريكي ”سبيد“، زيد عليهم عمدة نيويورك زهران ممداني، وحاكمة ولاية نيويورك كاتي هوتشول، وأسماء معروفة من عالم الرياضة والفن بحال توم برادي وترافيس سكوت.

وكيأكد هاد الحضور الكبير المكانة اللي ولات كتحتلها الكرة المغربية عالمياً، والاهتمام لي كيتزاد بالمنتخب الوطني، واللي دار أداء قوي وقدر يفرض التعادل على البرازيل فبداية المشوار ديالو بمونديال 2026.