الرئيسية > كود-تيفي > منها العيا والإرهاق.. خبيرة فمنظمة الصحة العالمية: أعراض ما بعد كورونا تقدر تجي بعد شهورا وتهدد الصحة العامة – فيديو
16/02/2021 10:00 كود-تيفي

منها العيا والإرهاق.. خبيرة فمنظمة الصحة العالمية: أعراض ما بعد كورونا تقدر تجي بعد شهورا وتهدد الصحة العامة – فيديو

منها العيا والإرهاق.. خبيرة فمنظمة الصحة العالمية: أعراض ما بعد كورونا تقدر تجي بعد شهورا وتهدد الصحة العامة – فيديو

كود – وكالات//

عبرات جانيت دياز، رئيسة شعبة الاستعداد للرعاية الصحية بمنظمة الصحة العالمية على المخاوف ديالها من ما يسمى ب”أعراض ما بعد كوفيد-19″، واللي قالت أنه ممكن يكون عندها تأثير على الصحة العامة.

هذ الأعراض، كتقول دياز، فحساب مقر الأمم المتحدة فجنيف على تويتر، أنه ممكن تكون طويلة المدى، أي بعد شهور، وتسبب العيا والعكَز فالعودة للعمل فبعض الحالات، وقالت أنه ترصدات أعراض غير متجانسة، اللي كتبان بعدما تم العلاج من كورونا فالمستشفى أو فالعناية المركزة.

ومن اكثر هذ الأعراض شيوعا، حسب دياز، كتبان بعد 3 حتى ل6 أشهر بعد التعافي، وهي الشعور بالعيا والتعب الشديد بعد المجهود البدني، وهذا كيتسمى “الضبابية في الدماغ”، أو “متلازمة ما بعد العناية المركزة”.

وقالت أن حتى اللي مادخلوش للعناية المركزة وتعالجو غير فديورهم كيمكن يعانيو من نفس المضاعفات لفترات متقطعة وبشكل خفيف، بالإضافة لضيق التنفس والسعال ومضاعفات على الصحة النفسانية والعصبية.

وقالت الدكتورة انه مامعروفش سبب هذ الأعراض ومضاعفاتها وشنو هي الفيزيولوجيا المرضية لهذ الحالة ومسببتها، لكن أشارت لأن الباحثين كيخدمو بكل جهدهم باش يعرفو آش كاين.

موضوعات أخرى

06/03/2021 15:30

مقاطعة الانتخابات واستقالة رئيس الحكومة في لقاء أمانة البي جي دي.. وقيادي لـ”كود”: ها وقتاش غايقرر برلمان الحزب في نازلة الانقلاب الفاشستي على الخيار الديمقراطي