گود سبور//

غايكون ممنوع على جمهور النادي القنيطري يمشي لمدينة خريبكة باش يحضر ماتش الفريق ديالو ضد أولمبيك خريبكة هذا الويكاند برسم الدورة 16 من بطولة القسم الثاني.

وحسب إدارة النادي القنيطري، فسلطات مدينة خريبكة قررت منع الجمهور القنيطري من التنقل إلى مدينة خريبكة لحضور ماتش الكاك ضد الأوصيكا يوم الأحد 9 فبراير 2025 ابتداء من الساعة الثالثة بعد الزوال.

ويعتبر الماتش مهم بالنسبة للنادي القنيطري اللي خاصهم يربحو باش يبعدو من مراكز الخطر، حيث محتلين المركز 12 بـ15 نقطة على بعد 2 نقاط من صاحب المركز الأخير اولمبيك خريبكة اللي عندهم 13 نقطة.