وكالات//

المدير العام ديال منظمة الصحة العالمية خبر الموظفين ديالو، نهار الأربعاء، على تقليص عدد أعضاء فريق القيادة العليا فالوكالة اللي خدامة فالمقر الرئيسي، وهاد الخطوة داخلة فإطار إعادة الهيكلة بسبب النقص الكبير فالموارد المالية، وخصوصًا من طرف ميريكان.

فواحد الرسالة قصيرة عبر الإيميل، اللي شافتها وكالة الأنباء الفرنسية، علن تيدروس أدهانوم غيبريسوس على “التشكيلة الجديدة ديال فريق الإدارة” فمقر منظمة الصحة العالمية فجنيف، سويسرا، واللي ولات مكونة من ستة ديال الأعضاء فقط بعدما كانوا 11.

وزاد قال باللي هاد الإجراء غادي يبدا يتطبق ابتداءً من 16 يونيو 2025.

وكان تيدروس علن من قبل، نهار 22 أبريل، على أنه المنظمة غادي تنقص من أنشطتها وغادي تسرّح بعض الموظفين بسبب النقص فتمويل ديال ميريكان اللي دار عجز فميزانية المنظمة.