الرئيسية > جورنالات بلادي > منظمة الصحة العالمية: المغرب من الدول الإفريقية القليلة اللي قدرات توصل لهدف التلقيح العالمي ضد كورونا
03/09/2021 08:00 جورنالات بلادي

منظمة الصحة العالمية: المغرب من الدول الإفريقية القليلة اللي قدرات توصل لهدف التلقيح العالمي ضد كورونا

منظمة الصحة العالمية: المغرب من الدول الإفريقية القليلة اللي قدرات توصل لهدف التلقيح العالمي ضد كورونا

كود- و م ع//

قال المكتب الإقليمي لمنظمة الصحة العالمية لإفريقيا، الخميس، أن المغرب من بين الدول الأفريقية اللي قدرات توصل لهدف التطعيم العالمي اللي حدداتو فماي الجمعية الصحة العالمية، بتلقيح 10 فالمية من الفئات الضعيفة ضد كوفيد -19، قبل نهاية شتنبر.

وزاد المكتب الإقليمي أن تسعة بلدان أفريقية، منها جنوب إفريقيا والمغرب وتونس، وصلات لهدف التحصين العالمي اللي حدداتو فماي منظمة الصحة العالمية.

وكاينين، بالمعدل الحالي، ثلاثة دول أفريقية، غادة فالطريق الصحيح لتحقيق هدف التحصين الجماعي.

وكشف مكتب منظمة الصحة العالمية فأفريقيا، على موقعو على الإنترنت، أن جوج دول خرين يمكن يحققوا هذشي إلى زادوا معدل التطعيمات.

وحسب البيانات اللي جمعاتها منظمة الصحة العالمية ، ف42 دولة من أصل 54 دولة فإفريقيا – أي ما يقرب من 80 فالمية من الإجمالي، معرضة لخطر عدم بسبب تحقيق الهدف المتمثل فالتطعيم الكامل ضد الفيروس، إلى بقات افريقيا غادية على نفس الوتيرة ديال شحن اللقاحات التحصين.

من جهتها قالت ماتشيديسو مويتي، المديرة الإقليمية لمنظمة الصحة العالمية لأفريقيا، بللي القارة السمراء مازالة محتاجة لمزيد من اللقاحات، والى جات جرعات جديدة، خاص الدول تكثف جهودها وتضمن تنفيذ خطط واضحة تسمح لملايين الأشخاص اللي فخطر من التحصين ضد الفيروس.

وحسب منظمة الصحة العالمية، وصلات علاين 21 مليون جرعة من اللقاحات المضادة لكورونا لإفريقيا فغشت، من خلال آلية “كوفاكس”، وهو عدد الجرعات اللي تلاقتها القارة فهذ الربع شهور اللخرة.

موضوعات أخرى