عمـر المزيـن – مكتب الرباط//
[email protected]

ديالنا ميخدوه غيرنا. كعكة المناصب العليا عند الحركة الشعبية مزال كتوزع بين الناس ديالها. فبعد توزيع كعكة المناصب العليا بين الحركيين ف القطاع ديال وزارة التربية الوطنية، صادق اليوم الخميس المجلس الحكومي على تعيين عرفات عثمون ف المنصب ديال الكاتب العام للتكوين المهني. هاد المنصب كان ناض عليه صداع بزايد.

وحسب مصادر “كود”، فإن الحركي عثمون معندو  علاقة بالقطاع ديال التكوين المهني بشكل نهائي, السيد عندو تخصص ف السوق المالي وخدم فبزاف ديال المؤسسات لي كختصص بالأسواق المالية بين المغرب وفرنسا، وعندو الماستر ف المالية من جامعة بيير ماري كوير” بباريس.