وكالات //

غادي يتكلف الفكاهي جيمي كيميل للمرة الرابعة بتقديم حفلة توزيع جوائز الأوسكار فالدورة الجاية ديالو، على حساب ماقالو المنظمين ديال هاد الحدث السينمائي الكبير في هوليوود.

مقدّم برنامج “جيمي كيميل لايف” لي عندو دابا 56 عام فعمرو، قال كيمزح في بيان: “كنت ديما كنحلم نقدم حفل الأوسكار بالضبط 4 د المرات”.

هاد التعيين لقا استحسان من المتتبعين، حيت كيشوفو أنه من الأفضل يكون شي فكاهي واعر فيه.

المنظمين ديال الحفل سبق ليهم ختارو هاد المنشط يقدم الدورة لي فاتت فمارس 2022، بعد عام من حادثة التصرفيقة الشهيرة لي دارها الممثل ويل سميث لكريس روك ولي تسمعات التمرميقة ديالها في كاع العالم.