الرئيسية > آش واقع > مندوب الحكومة فسبتة كيهضر على ترحيل مغاربة عالقين واخا مابقى حد عالق!!
28/03/2021 19:30 آش واقع

مندوب الحكومة فسبتة كيهضر على ترحيل مغاربة عالقين واخا مابقى حد عالق!!

مندوب الحكومة فسبتة كيهضر على ترحيل مغاربة عالقين واخا مابقى حد عالق!!

كريم الشركي-كود///

مندوب الحكومة المركزية فسبتة سلفادورا ماتيوس، هضر اعلاميا على تنظيم حملة ترحيل للعالقين المغاربة فسبتة، واللي قال أنهم كيوصلوا ل200 مغربي عالق، وغادي يتم ترحيلهم باش يمشيو يصومو رمضان مع أهاليهم.

طبعا الجانب المغربي ماعلقش على هاد الترحيل لود الساعة، لكن مصادر من الفنيدق أكدات ل”كود” أن المتواجدين حاليا فسبتة ماشي عالقين، ولكن هوما مغاربة رفضوا الرجوع لكاستييخو حقاش كيخدمو فسبتة باش يصيفطو لفلوس لأسرهم، وأنهم يلا رجعوا لكاستييخو غايبقاو بلا خدمة وماعندهوم باش يصرفو على عائلاتهم.

وزادت المصادر ان السلطات الاسبانية باغيا ترحل هاد الناس باش تزيد تعمق الازمة فكاستييخو، زكتقول انهم عالقين، لكن ملف العالقين انتهى قبل شهور بعدما تم اخراج جميع العالقين وبقاو هاد الناس خدامين على أسرهم.

موضوعات أخرى