الرئيسية > آش واقع > مندوبية الحليمي: المغاربة كيعانيو صعوبة الإدخار وكايكملوا شهرهم بالكريدي وكيتشكاو من غلاء الأسعار والبطالة
22/01/2020 12:10 آش واقع

مندوبية الحليمي: المغاربة كيعانيو صعوبة الإدخار وكايكملوا شهرهم بالكريدي وكيتشكاو من غلاء الأسعار والبطالة

مندوبية الحليمي: المغاربة كيعانيو صعوبة الإدخار وكايكملوا شهرهم بالكريدي وكيتشكاو من غلاء الأسعار والبطالة

عفراء علوي محمدي- كود//

كشفات المندوبية السامية للتخطيط، فآخر مذكرة ليها، عن أرقام صادمة حول المستوى المعيشي ومعدل البطالة خلال الفصل الرابع من سنة 2019، انطلاقا من استقصاء آراء عينة من الأسر المستجوبة في الموضوع.

وحسب المذكرة، اللي اطلعت “كود” على نسخة منها، بلغ معدل الأسر التي صرحت بتدهورها المعيشي خلال 12 شهرا السابقة 43 في المائة، فيما عبرات 34 فالمية منها عن استقراره، و23 فالمية علنات تحسنه.

وبخصوص تطور مستوى المعيشة خلال 12 شهرا المقبلة، فتوقعات 28.8 فالمية من الأسر تدهوره و44.5 استقراراه في حين 26.7 فالمية اعتابرات انه غايتحسن.

واعتبرت 55.5 فالمية من الأسر بللي الظرفية غير ملائمة للقيام بشراء سلع مستديمة، في حين شافت 26.3 فالمية العكس، وهكذا استقر رصيد هذا المؤشر حتى هو في مستوى سلبي.

وفيما يتعلق بالمداخيل، رصدت 65.6 فالمية من الأسر بللي مداخيلها تغطي كاع مصاريفها، فيما 30.4 فالمية صرحات بأنها كتعتمد دائما على الكريدي.

وبخصوص تطور الوضعية المالية للأسر خلال 12 شهرا الماضية، صرحات 31,4 فالمية من الأسر بتحسنها مقابل 9,3 غالمية بتدهورها.

أما بالنسبة لأسعار المواد الغذائية، صرحات 52 فالمية من الأسر بللي الاسعار عرفات نوع من الارتفاع، فيحين كتشوف نسبة 0,01 فالمية العكس. ومستقبلا، فتوقعات 82,7 فالمية من الاسر استمرار الغلاء، مقابل 0,5 فالمية من الاسر اللي توقعات انخفاض الأسعار.

وعلى مستوى البطالة، توقعات 79.5 فالمية من الأسر مقابل 7.9 فالمية ارتفاعا في مستوى البطالة خلال 12 شهرا المقبلة، وهكذا استقر رصيد هذا المؤشر في المستوى سلبي، على حساب ما جا فالمذكرة.

موضوعات أخرى

12/08/2020 11:30

أخنوش دار اعادة تنظيم الصيد البحري بمشروع قانون: عقوبات كتسنا المخالفين صحاب السفن فيها الحبس وها كيفاش الصيد فالمنطقة الخالصة