كود – كازا ///

نقلات جرائد إسبانية عن مندوبة الحكومة ف سبتة، كريستينا بيريز، قولها إن “الكورة دابا ف التيران ديال المغرب”، ف جوابها على سؤال صحفي كيتعلق بالتوقيت الدقيق لبداية العمل بالسيستم ديال الجمارك التجارية ف المعبر البري بين المغرب وسبتة..

وأكدات مندوبة الحكومة، أنها ما تقدرش تتكلم على مواعيد محددة لتفعيل العمل بهاد النظام ف المعابر البرية، لكن اللي واضح بالنسبة ليها هو أن القضية كتعلق غير بالوقت، ف ظل العلاقات الودية والصداقة اللي كتربط بين المغرب وإسبانيا..