كود مصطفى الشاذلي ///
اليوم تاريخي عند الحمرا. غادي يتم تقديم اللعاب لكبير حكيم زياش. يوم تاريخي لانو غادي يشكل قطيعة فالأندية المغربية. تستقطب زياش يعني راك قادر تجيب لعابة كبار يهزو النيفو.
غير هاد الحدث استغلو منخرط ودادي ما داخل الحمرا غير لقضاء مصالحو. هاد المنخرط خدمتو سمسار ودار ثروة فايتة 60 مليار فالعقار والطابلوات فيهم وحدة تقريبا بمليار وهرب لفلوس للخاريج واستغل شبكتو باش حاول يبيضها. كيوظف الصحافة باش يخلع خصومو ويسمسر.
هاد العينة اللي ما كتبغيش الوداد مخدمة عضو فالمكتب طاشرون وكدورو كي شي مونيكة. وعداتو يديرو فوزي لقجع ف”المغرب 2030 وطبعا باش سولنا فكود ما فراسهمش. وقال مصدر ل”كود” باللي هادي مؤسسة للكفاءات لكبار يدخلوها لكبار. يعني ما كاينش بلاصة للسماسرية.
المهم خينا باش شاف زياش جا للوداد طلق إشاعة وورط فيها مسؤول حكومي كبير ما عندو علاقة بالتسيير فالكورة. وقال باسمو باللي زياش مقرب من تيار محافظ وشي تخربيق ما كاينش. طبعا هو كيروج هاد لكذوب. واش المسؤول تلاقاه أصلا واش المسؤول فراسو. هاد الشي عارفو غير هو اللي فكل لقاء ديالو مع طاشرونات فكازا كيهز تلفونو وكيقول ليهم. راه عيط علي فلان
حسب ما عملته “كود” فهادي هي ديما مهمتو: حقيرة وباش يزيد يقوي الثروة ديالو وباللي لعب زياش فالبطولة وقبلو كان لمحمدي وأمرابط حدث كبير فصالح الكورة المغربية
كاينة مشكلة اخرى هو ان داك هشام ايت منة رئيس الوداد البيضاوي ضعيف الشخصية كيأثر فيه بعض المرات هاد السمسار. فهاد الفيلم رئيس الوداد ما فراسوش لحفير اللي دار ليه
