كود سبور//
غيمشيو عدد من المنخرطين ديال الرجاء الرياضي للقضاء، حيث ما قتانعوش بالتقرير المالي ديال المكتب المديري للرئيس الأسبق رشيد الأندلسي والعضو اللي كان معه سعيد وهبي.
وكشف المنخرط الرجاوي محمد صغرور فتصريح لموقع “كود”، بعد نهاية جمع عام الرجاء الرياضي الخاص بموسم 2021-2022، اللي سالا فوقت متأخر من ليلة السبت-الأحد، وقال: “عدد من المنخرطين تحفظو على التقرير المالي للفترة الرئاسية ديال رشيد الأندلسي وسعيد وهبي، وقررنا نمشيو للقضاء فهاد النازلة”.
كاينين شي أمور خاصهم يوضاحو كثر وما تكفيناش ساعات الجمع العام لمناقشة التقرير المالي داكشي علاش مجموعة من المنخرطين غايمشيو للمحكمة والقضاء يبث فالفترة الرئاسية اللي ذكرت”.
