كود سبور//

بداو منخرطين الرجاء الرياضي، كايطالبو الرئيس عادل هالا والمكتب المديري ديالو بالرحيل عن النادي وبشكل عاجل بعد الوضع الصعيب والأزمة الخانقة اللي دخل فيها الفريق فالعهد ديالو.

وحسب مصادر مطلعة، بداو منخرطين الرجاء الرياضي في التوقيع على عريضة كايطالبو فيها عادل هالا والمكتب المديري ديالو بعقد جمع عام استثنائي والمطالبة باستقالة الرئيس والمكتب المديري.

وكيعيشو الرجاء الرياضي برئاسة عادل هالا مرحلة صعيبة بزاف، والفريق تقريبا خرج بكري من سباق المنافسة على لقب البطولة الاحترافية اللي ربحوه هو كأس العرش الموسم الماضي بأرقام تاريخيّة وقياسية تحت قيادة الرئيس السابق محمد بودريقة.

وتطالب جماهير الرجاء الرياضي، رئيس النادي عادل هالا بالرحيل هو المكتب المديري، وهذا الشي مباشرة بعد خسارة الفريق مع نهضة بركان البارح برسم الدورة 16 من البطولة الاحترافية بـ2 لزيرو.