كود -وكالات//

طاح منجم ديال الذهب تقليدي فقرية “زامبوي” القريبة من الحدود مع الكاميرون وخلا كارثة إنسانية تسببات فموت كثر من 100 واحد من العمال اللي كانوا خدامين تما، والعدد مرشح للارتفاع بسبب غياب إحصائيات دقيقة فالمناطق المعزولة.

https://x.com/Existenzse/status/2090140740924108810p

الانهيار وقع فجأة نهار الثلاثاء فالعشية وباقي لدابا سكان المنطقة وفرق الإنقاذ المحلية كيحاولوا يحفروا بيديهم وبوسائل بدائية باش يخرجوا المفقودين.

الضحايا أغلبهم شباب وشابات جاو لهاد المنجم العشوائي باش يضمنوا لقمة العيش لعائلاتهم، الكارثة شملات مواطنين من إفريقيا الوسطى وحتى من الكاميرون المجاورة، والنيابة العامة فتحات تحقيق باش تقلب على شكون هما المسؤولين على تسيير هاد الموقع.

هاد الحوادث المميتة ولات كتعاود بزاف فإفريقيا الوسطى بسبب ضعف المراقبة ديال الدولة وغياب شروط السلامة فالمناجم التقليدية،وخا أن الأراضي تماك عامرة دهب والمعادن الثمينة، ولكن غياب التقنين كيخلي العمال الضعاف هما اللي كيدفعوا الثمن من حياتهم.