گود سبور//

فلت منتخب نيجيريا البارح السبت من كارثة حقيقية، بعدما تعرضت الطيارة ديالهم لحادث خطير فـ السما.

وتشقق زاج طيارة منتخب نيجيريا وهي فـ السما والبيلوط عتقهم ونزل بهم فـ لواندا بأنگولا اللي طرگوها فـ الأول باش يديرو الوقود جايين من جنوب إفريقيا اللي لعبو فيها ضد ليسوتو الجولة ما قبل الأخيرة من إقصائيات كاس العالم 2026، وملي قلعت الطياراة من لواندا بعدما دارت الوقود عاشو الركاب ديالها الرعب تقريبا 25 دقيقة قبل ما يرجعو يهبطو فـ لواندا بسلام.

الاتحاد النيجيري لكرة القدم، أكد أن اللاعبين كاملين بخير وبلي غايتفتح تحقيق من طرف السلطات النيجرية والشركة ديال الطيران فـ هاد الحادث.

للإشارة فالمنتخب النيجيري صعيب يتأهل لمونديال 2026 حيث خاصو يربح بنين فـ الجولة الأخيرة ويتسنى جنوب إفريقيا تخسر.

https://www.facebook.com/share/v/17VrLpM4FV/?mibextid=wwXIfr