الرئيسية > كود سبور > منتخب “الفوت صال” فمجموعة قاصحة.. الدكيك لـ”كود”: أهم ما فالقرعة أننا ما غاديش نلعبو كونتر مصر
08/12/2019 10:20 كود سبور

منتخب “الفوت صال” فمجموعة قاصحة.. الدكيك لـ”كود”: أهم ما فالقرعة أننا ما غاديش نلعبو كونتر مصر

منتخب “الفوت صال” فمجموعة قاصحة.. الدكيك لـ”كود”: أهم ما فالقرعة أننا ما غاديش نلعبو كونتر مصر

كود سبور//

المنتخب الوطني للفوت صال غادي يلعب فالمجموعة الأولى في نهائيات كأس إفريقيا للامم بالعيون في الفترة الممتدة ما بين 28 يناير و2 فبراير القادم.

المنتخب الوطني غادي يلعب كونتر جنوب افريقيا وليبيا وغينيا الاستوائية، بينما تضم المجموعة الثانية منتخبات مصر وغينيا وموزمبيق وأنگولا.

مهمة المنتخب المغربي ما غاديش تكون مهمتو ساهلة فهاد البطولة، لحقاش گاع المنتخبات القوية مشاركة فيها.

القرعة حضرها الوالي ديال العيون والسلطات المحلية والمنتخبة وموظفين من الكونفدرالية الإفريقية لكرة القدم وأعضاء جامعيين، كما حضرها روبيرت اوشن المدير التقني للجامعة وهشام الدكيك مدرب المنتخب الوطني، إضافة إلى مدرب غينيا الاستوائية.

هشام الدكيك، لي فاز مع المنتخب الوطني بلقب كأس إفريقيا قبل 4 سنوات بجنوب إفريقيا، أكد بلي هاد الدورة ما غاديش تكون ساهلة لحقاش فيها منتخبات قوية بزاف.

وأضاف الدكيك في تصريح ل”كود”، أن الأهم فالقرعة هو أن المنتخب المغربي ماغاديش يتقابل مع مصر فالدور الأول وخا المنتخبات كاملة قوية دون استثناء، وأكد بلي المنتخب الوطني مستعد بزاف باش يحافظ على اللقب الإفريقي، خصوصا أن البطولة تقام بالعيون وأمام الجمهور.

موضوعات أخرى

10/08/2020 10:00

علاش فشلنا فاللي نجحات فيه نيوزلاندا اللي كورونا ڤيروس: 100 يوم ما بان فيها شي حالة. درنا فالمغرب بحالهم فكلشي وها فين قوداتها علينا حكومة بنعرفة وخرجات على البلاد وولينا ف1200 حالة و18 وفاة فالنهار