كود سبور//

كيواصل المغرب تقديم الدعم للمنتخبات الإفريقية اللي ما عندهاش تيرانات معتمدة من طرف الاتحاد الدولي لكرة القدم والاتحاد الإفريقي للعبة، وهاد المرة المنتخب الغيني غيلعب ماتش ديال إقصائيات مونديال 2026 فتيران مغربي.

واعلن الاتحاد الغيني لكرة القدم اليوم الأربعاء، أنه غايدخل الماتش ديالو ضد الموزامبيق ضمن الدورة 4 من إقصائيات كأس العالم 2026، فالمغرب وبالضبط فتيران العبدي فالجديدة يوم 10 يونيو الجاي، وهذا الشي بعدما يكون المنتخب الغيني خرج الماتش ديالو ضمن الدورة 3 عند منتخب الجزائر يوم 6 يونيو.

ومن المنتظر تلعب منتخبات اخرى ماتشات ديالها هنا فالمغرب، خصوصا وأن المملكة المغربية ديما كترحب بالمنتخبات الإفريقية من خلال الجامعة الملكية المغربية لكرة القدم، والأفارقة عاجبهم الحال بزاف بالدعم ديال المغرب لهم.