كود – كازا ///

قالت جريدة “كابيتال” الاقتصادية الفرنسية، أن منتجين فلاحيين كبار ف فرنسا بداو، البارح الجمعة، حملة ضد مطيشة المغربية المعروضة ف محلات السوبر ماركت، ف سياق الاحتجاج على “المنافسة غير العادلة” من المنتجات المستوردة من الخارج. ويتعلق الأمر بحوالي 10 من كبار المنتجين الزراعيين.

وأضافت الصحيفة الفرنسية، أن هاذ المنتجين دارو  ملصقات تمييزية مكتوب عليها “المغرب” على المطيشة اللي كتباع بشكل خاص ف عدد ديال السوبر ماركت باش يحاولو يوجهو سلوك المستهلكين، وقبل كل شيء “تسليط الضوء” على الإنتاج الفرنسي، حسب الجريدة.

و ف فبراير الفايت، طالبو كبار المنتجين الفرنسيين ديال مطيشة بتقييد استيرادها من المغرب، بعد ما ولى 51 ف المية من المعروض ف الأسواق مستورد من المغرب، مما وضع الطماطم الفرنسية والإسبانية ف موقف صعب، بعد ما عرفات ال 5 سنين الفايتة زيادة ف الواردات من المطيشة المغربية بنسبة 40 ف المية.