كود طنجة//

حتى لدابا المنافسة دايرة بين 3 ديال الأشخاص، كلهم أساتذة جامعيين، والملف محطوط على مكتب وزير التعليم العالي الجديد اللي ما زال ما سخن بلاصتو.. لكن غادي يختار واحد من بين هاد الثلاثة قريبا.

لكن كاينة واحد الملاحظة بسيطة وهي أن واحد المنافس لهاد المنصب كان قبل سنوات قليلة أستاذ ديال الدراسات الإسلامية، والفترة اللي دوزها أستاذ ديال هاد المادة بكلية الآداب بتطوان أطول من الفترة اللي دوزها أستاذ ديال الحقوق.. ومع ذلك باغي يولي عميد لكلية الحقوق..!

هاد القضية خايبة حتى للمعاودة، ومع ذلك الواقع هو هادا.

زيادة على هاد الشي كاينة أمور خلاتو يغادر كلية الحقوق بتطوان ويلتحق بكلية متعددة التخصصات بالقصر الكبير، بدعم من رئيس المجلس البلدي..  وهذا لغز آخر فالموضوع.

المهم.. كاينة أمور الواحد ما كاين علاش يعاودها.. والوزير الجديد هو من يقرر في النهاية.