الرئيسية > تبركيك > ممنوع “الماكياج و تقليد البنات”.. الشينوا بداو تطبيق إجراءات تمييزية ضد حرية الناس
04/09/2021 03:00 تبركيك

ممنوع “الماكياج و تقليد البنات”.. الشينوا بداو تطبيق إجراءات تمييزية ضد حرية الناس

ممنوع “الماكياج و تقليد البنات”.. الشينوا بداو تطبيق إجراءات تمييزية ضد حرية الناس

وكالات //

بدات الشينوا حملة رقابية جديدة الهدف منها، حسب قولهم هو أن “الرجال يوليو حرشين ومايبقاوش يديرو تصرفات بحال البنات”.

الإدارة الوطنية للإذاعة والتلفزيون، اللي كتعتابر جهة رسمية، منعات منعا كليا ظهور الرجال اللي كيشبهو العيالات في التلفزيون وفي برامج المنوعات والواقع.

هاد القرار اللي غادي يضر بزاف الناس، الغرض منو على حساب الإدارة هو “تشديد القواعد على المحتوى غير الصحي”.

وماشي غير هادشي، غادي تمنع الشينوا أي واحد كيدير الماكياج في التلفزة، حيت بزاف المشاهير ولا كيأثرو على الشباب.

وهادشي خلق ضجة كبيرة وكعاو عليه بزاف ديال الناس داخل الصين و فالخارج، لأنه بكل بساطة كيضر بحرية الأشخاص فأنهم يلبسو ويتصرفو فأشكالهم و أجسادهم كيف بغاو بلا نمطية أو قيود كيفما كانت، وكيعتابرو أن الشينوا بدات كترجع تكرس إجراءات تمييزية ضد عدد من مواطنيها بمختلف اختياراتهم و ميولاتهم و رغباتهم.

موضوعات أخرى

23/09/2021 16:00

غير غابت العدالة والتنمية الانتخابات رجعات لاجواء التسعينات.. الإختطافات التهديد بالقتل الخيانة الغدر الإنتحار المافيات والبلطجية مضاربين على الجماعات والمناصب.. كاع دوك رموز الفساد القديمة رجعات وأكثر قوة هاد المرة وتبلطجات على خاطرها