وكالات//

مات الممثل الميريكاني جوناثان جوس، وعمرو 59 عام، بسبب حادث إطلاق نار، على حساب بوليس سان أنطونيو فولاية تكساس.

وحسب ما قال المتحدث باسم البوليس، تم إرسال البوليس نهار الأحد لوحد البلاصة فـ شارع دورسي درايف فـ سان أنطونيو، بعدما توصلو ببلاغ على إطلاق النار، ولقاو جوناثان جوس “قريب من الطريق اللي كيدّي للمكان”.

حاولو ينقذو حياتو حتى جاو المسعفين، ولكن فرق الطوارئ علنو من بعد على وفاتو.

البوليس قالو بأنهم شدّو واحد المشتبه فيه فـ جريمة القتل، والتحقيق مازال مستمر.

فـ المسلسل المعروف “Parks and Recreation”، كان جوس كيلعب دور الزعيم “كين هوتات”، شيخ قبيلة “وامابوك” اللي هي قبيلة أمريكية أصلية، ومالك كازينو، حسب شبكة “CNN”.

وحتى فـ مسلسل”King of the Hill”، دار صوت واحد الشخصية بعد ما توفى الممثل فيكتور آرون فـ حادثة سير فـ 1996، وكمل جوس فـ هاد الدور الصوتي حتى سالى الموسم الثاني.