وكالات //

الممثل الكندي، ريان غرانثام ضربوه في كندا بالحبس المؤبد، بعدما اعترف أنه قتل مو، وخطط باش يقتل رئيس الوزراء جاستين ترودو.

غرانثام قال انه تيرا ف مو بالقرطاس وهي كالسة كتغني وتلعب في البيانو، ومن ثم گلس كيشرب البيرة ويكمي الحشيش حدا الجثة ديالها، في مارس 2020.

ريان برر الأفعال لي دار بأنه كان كيعاني من اكتئاب عنيف وما بغاش الام ديالو تبقى تشوفو في هاداك الوضع فقرر يقتلها باش يهنيها.

وقال ريان لي عندو 24 عام فقط أنه تراجع على عملية القتل ديال ترودو بعدما فكر مزيان، وقرر أنه يسلم راسو للبوليس ويعترف بكلشي.