وكالات//

تحكم على واحد من أشهر الممثلين المسرحيين في الجابون، بالحبس 3 سنين، نهار الجمعة، بعدما اتاهموه بأنه عاون والديه باش ينتاحرو، فواحد القضية هزات المجتمع الياباني.

هاد الممثل لي سميتو، إينوسوكي إيتشيكاوا، ولي عندو ف العمر 47 عامًا، شدوه في شهر ماي لي فات بعدما لقاو والديه سخفانين عندو.

ومن بعد تأكدو من الوفاة ديالهم بجوج، ولي هما أيضا ممثلين مسرحيين في الجابون، الأب عندو 76 عام والأم عندها 75.

على حساب ماقالت الصحافة في اليابان، فهاد الممثل خبر والديه أنه بغا ينتاحر ىحيت كيتاهموه بالتحرش الجنسي، ومن بعد قرروا بـ3 بيهم ينتاحرو جماعة، بعدما شربو وشي حاجة، ولكن هو في النهاية موقع ليه والو، ووالديه ماتو.

دابا المحكمة طلقاتو بكفالة وحكمو عليه بـ3 سنين موقوفة التنفيذ، وقال الممثل ف واحد البيان ديالو أنه: ندم وكيحس بالذنب.