كود – كازا ///

قال موقع “vivajaen” المحلي الإسباني، إن وفد من الجمعيات الفلاحية الإسبانية في ويلبا جايين هاذ السيمانة للمغرب باش يكملو إجراءات استقبال العاملات المغربيات الراغبات فـ العمل بالضيعات الإسبانية بالأندلس.

وحسب الموقع ذاته، غادي يتكلف الوفد الإسباني بإجراء عمليات اختيار انتقائية ديال 3000 مرشحة لاستكمال الحصة اللي تم الاتفاق عليها من العام الفايت بين هاذ الجمعيات والمديرية العامة لإدارة الهجرة التابعة لوزارة الإدماج والضمان الاجتماعي والهجرة الإسبانية.

وشارك ف الحملة الأخيرة 14.037 شخصًا ف هويلفا، بين شهري يناير ومارس 2024. النسبة الكبيرة من المغرب بـ13081 و82 من الإكوادور و371 من هندوراس، و503 من كولومبيا.

ويتم تشغيل العاملات المغربية حسب نظام جيكو، اللي كيعطيهم الحق في تصريح عمل لمدة 4 سنين، مع ضرورة الامتثال لمدة إقامة في إسبانيا ديال 9 أشهر فالعام. و كيستافدو من كارط “TIE” اللي كتسمح ليهم يدخلو ويخرجو من إسبانيا طوال مدة العقد، لكن مع ضرورة انتظار اتصال من الشركة المشغلة حسب الاحتياجات ديال العمالة كل موسم جني.