الرئيسية > آراء > ملي يشوف الواحد ماربيا عامرة مغاربة كيدوزو الكونجي ديالهم تما راه ماشي خاص يحس بالحقد والحسد ويعتابرهم شفارة وكروش لحرام، ولكن خاصو يحس بالحسرة كيفاش أن المغرب ماقدرش يكون وجهة سياحية مفضلة لمواطنيه لي عندهم الإمكانيات
19/08/2019 13:00 آراء

ملي يشوف الواحد ماربيا عامرة مغاربة كيدوزو الكونجي ديالهم تما راه ماشي خاص يحس بالحقد والحسد ويعتابرهم شفارة وكروش لحرام، ولكن خاصو يحس بالحسرة كيفاش أن المغرب ماقدرش يكون وجهة سياحية مفضلة لمواطنيه لي عندهم الإمكانيات

ملي يشوف الواحد ماربيا عامرة مغاربة كيدوزو الكونجي ديالهم تما راه ماشي خاص يحس بالحقد والحسد ويعتابرهم شفارة وكروش لحرام، ولكن خاصو يحس بالحسرة كيفاش أن المغرب ماقدرش يكون وجهة سياحية مفضلة لمواطنيه لي عندهم الإمكانيات

محمد سقراط-كود///

واحد داير فيها مناضل وكيفضح كروش لحرام، صور فيديو من احد الكاراجات فمدينة ماربيا لي أغلب الطوموبيلات لي فيه بترقيم مغربي وغير الحديد الخامج، ها تيسلا ها بينتلي الرانج مابغاها بوبي، الموشكيل غير حيت هاد الناس مغاربة لاباس عليهم وكيدوزو العطلة ديالهم فالصبليون دغية عتابرهم شفارة وناهبي المال العام وكروش الحرام ووكالين رزق ليتامة، ومن نيتو كيتسائل اين الثروة وكيوري للمشاهدين بلي الثروة المغربية راها طوموبيلات فكاراجات ماربيا لي مواليهم كالسين كيشتتو فالفلوس فالصبليون، بحال هاد السيد خاصو يتعاقب ويتربى ولكن فالمغرب وفي ظل هاد الظروف الإقتصادية الحالية وفي ظل العنف الرمزي لي كيتمارس على المزاليط يوميا فالواقع، كيبقى الفايس متنفس فين يخرجوا الحقد الطبقي ديالهم، مادام أنهم معندهمش البيضات باش يصرفوه بحاجة خرى.

من الطبقة الوسطى ونتا طالع الفوق ولاو كيفضلو يدوزو الكونجي ديالهم برا المغرب، طبيعي أن الإنسان الى عندو باش يبغي يكتاشف بلدان أخرى وثقافات ويدور ويجول مع راسو، ولكن راه بزاف ديال المغاربة من لي كيمشيو لسواحل الإسبانية كتلقاهم مشاو ليها العام لي قبل والعام لي قبل منو، مكاين بو إكتشاف، غير بنادم هربان من الهايش مايش والنصابة والكارديانات والسماسرية والنصب والإحتيال وغياب المرافق العمومية، والكبت والتحرش وقلة الترابي، وكيمشي يقلب على الحرية والنقى والأثمنة المعقولة والخدمات المزيانة وكيدوز كونجي في ظروف إنسانية وبميزانية منطقية ومع ناس محبين للحياة وعايشين فهاد القرن، راه كون كان هادشي هنا ماغاديش يمشي يقلب عليه الواحد فبلاصة خرى.

ملي يشوف الواحد ماربيا عامرة مغاربة كيدوزو الكونجي ديالهم تما راه ماشي خاص يحس بالحقد والحسد ويعتابرهم شفارة وكروش لحرام، ولكن خاصو يحس بالحسرة كيفاش أن المغرب ماقدرش يكون وجهة سياحية مفضلة لمواطنيه لي عندهم الإمكانيات ولي كيفضلو عليه أي قنت تكون فيه غير هامش الحرية والإحترام، أن المغاربة يولي كيخرجو لبرا من اجل السياحية هادي حاجة زوينة وكتعني أن الناعورة دايرة، ولكن ملي تعرف بلي بزاف منهم راه غير هربانين من الهايش مايش وغياب البنية التحتية والمرافق والنصب والإحتيال وتعسف الكارديانات فهادي حاجة خايبة للبلاد وبزاف خصوصا انها معولة تولي بلاد سياحية.

موضوعات أخرى

23/09/2019 16:00

خاص الإختلاط من الصغر باش يكبر بنادم وعارف ان الجنس الآخر راه ماشي هدف جنسي متنقل، خاص غير نلقاوه حدانا نحاولو نركبو عليه ولو غير بكليمة