كود سبور//

حطو نهضة بركان رجليهم الاولى فالفينال ديال كاس الكونفدرالية الإفريقية، بعدما ربحو شباب قسنطينة الجزائري اليوم الاحد فتيران بركان فلالي ديال الدومي فينال.

وضربو نهضة بركان الضيوف ديالهم شباب قسنطينة بنتيجة 4 لزيرو، وماركا أهداف بطل المغرب كل من يوسف ميهري فالدقيقة 2، وبول باصين فالدقيقة 21، وأسامة مليوي 54، والدقيقة 93.

وبهذه النتيجة حطو نهضة بركان رجليهم الاولى فالفينال ديال كاس الكونفدرالية اللي هما أقوى وأبرز المرشحين للتتويج باللقب ديالها، في انتظار ماتش الروتور ضد شباب قسنطينة فالجزائر الويكاند الجاي.

وهذا الماتش بين بلي الجزائريين ملي لعبو الكورة مع المغاربة ومع الفريق المغربي نهضة بركان، وخلاو تسييس الرياضة بعيد، خسرو عكس داكشي اللي دارو اتحاد العاصمة الجزائري العام الماضي ملي تعداو على النهضة فالجزائر هما والسلطات الجزائرية ملي حيدو لهم التونيات فالمطار بالجزائر العاصمة، حيث التونيات فيهم خريطة المغرب، وفماتش الروتور رفض الفريق الجزائري يلعب فبركان خوفا من الكابرانات اللي معقداهم خريطة المغرب.