گود سبور- فيلادلفيا//
وصل عدد المشجعين اللي حضرو ماتشات كأس العالم للأندية فالميريكان لمليون مشجع، وهذا حتى لماتش الوداد الرياضي ويوفنتوس الطالياني اللي تلعب اليوم الاثنين وسالا بنتيجة 4-1.
وكان رقم المشجع المليون فمونديال الأندية “الميريكان2025″، من نصيب المغربية رشيدة العماري المشجعة للوداد الرياضي، وهذا الشي ملي دخلت تحضر ماتش الفريق الأحمر ضد يوفنتوس فتيران لينكولن فاينانشال فيلد ففيلادلفيا.
وقالت الودادية رشيدة العماري فتصريح للموقع الرسمي ديال الاتحاد الدولي لكرة القدم: “أنا هنا ففيلادلفيا حيث والدي قالو ليا الوداد لاعبة هنا وكنت متحمسة بزاف باش نشوف الفريق ديالي لاعب قدامي فالتيران، وهادي أول مرة نجي نتفرج فالتيران، وجيت نشجع الفريق ديالي بكل قوتي”.
