كود – مليلية///
مدينة مليلية دارت احتفال رسمي بمناسبة رأس السنة الأمازيغية يناير 2976، فجو ديال الفرحة والنشاط اللي كان عرض ديال اللبس التقليدي، الرقصات التراثية، وتقديم الماكلة المشهورة فالمنطقة.
رأس العام الأمازيغي جزء من برنامج كبير غادي يرجع الحياة لساحة الثقافات، اللي كتمثل التعددية الثقافية فمدينة مليلية طول العام ، سوق عيد الميلاد تبدل فديكورو باش يولي موالم مع رأس السنة الأمازيغية.
عطلة نهاية الأسبوع شملات ورشات ديال الحنا والخياطة، وتوزيع الخبز التقليدي، ركن ديال الشاي، عروض موسيقية، ومسيرات فالشوارع. وركزات الاحتفالات خصوصاً على إعادة تمثيل عروس أمازيغية مع أغانٍ تقليدية.
فهاد الاحتفال تم الإعلان على برنامج ديال الأنشطة الثقافية والفنية اللي غادي دوم سيمانة كاملة فـ ساحة الثقافات، والهدف منه هو يعرف الناس على الثقافة الأمازيغية ويقوي حضورها فالفضاء العام، اللي شد الانتباه هي المبادرة ديال مجموعة ديال النساء الريفيات، اللي تكلفات بتنظيم الحدث هادشي كيبين الدور المهم ديال العيالات فحماية الهوية الأمازيغية والثقافة بشكل عام .
موضوعات أخرى
نايضة بيناتهم عوتاني.. توتر جديد داخل عائلة بيكهام وولدو كاعي ومحاملش راسو
