الرئيسية > آش واقع > مليار ونص حجم صفقة خروج العمال من شركة بعيوي بعدما كان باغي يصيفطهم لا ريال لا جوج
26/07/2021 17:30 آش واقع

مليار ونص حجم صفقة خروج العمال من شركة بعيوي بعدما كان باغي يصيفطهم لا ريال لا جوج

مليار ونص حجم صفقة خروج العمال من شركة بعيوي بعدما كان باغي يصيفطهم لا ريال لا جوج

كود وجدة///

بعد نشر كود مقال حول الاحتجاجات والمشاكل اللي كيعانيو منها عمال شركة بيوي للاشغال واللي هي ديال رئيس مجلس  جهة الشرق  و المحكوم بسنة حبسا نافذا بسبب اختلاس و تبديد اموال عامة، قام هاد الاخير بتفاوض مع العمال بعدما صعدوا ضده وزيروه على الحقوق ديالهم.

عدد العمال المحتجين هو 76 عامل وبقا كيتزاد لان بزاف منهم او اغلبيتهم بغاو حسابهم باش يغادرو الشركة خصوصا بعدما حسو ان الشركة دخلات الافلاس، وخا منهم اللي خدم في الشركة اكثر من 19 العام.

نتيجة التفاوض  حسب ما علمت كود، وصل ما بين 28000 درهم و124600درهم، و وصل مبلغ مصاريف التفاوض اللي عطاه للعمال مليار و450 مليون سنتيم ومازال ماكفاش كاع العمال اللي كيتسناو يتوصلوا بمبلغ التفاوض للي باقي.

ذات المصادر قالت ان بيوي وصل به الحال يطلب  من العمال ديالو باش يبقاو في الشركة وهو يخاطبهم بالقول  (واش اللي نتلاقاه يطلب حسابو بغا يمشي واش ما كانش اللي باقي باغي يخدم  معانا واش ما شفيتكومش كلشي بغا يمشي) لكن العمال يصرون على اخذ مستحقاتهم، سيما مع الروطار لكبير فتفويت الصالير ديالهم.

الشركة كتعاني من عدة مشاكل سيما مع القروض الكثيرة اللي خذات من بنوك مختلفة  و رهنات عدد كبير من الأملاك، في حين أن قيمة الرهون اقل من قيمة القروض المأخوذة.

ومن مصدر كود دائما عرفنا بلي من بعد هاد الافلاس  ناض صداع كبير بين بيوي و مدير الشركة ديالو و لي هو زوج برلمانية ديال البام عن لائحة النساء، وان الشركة بدات كتسحب من جميع الحسابات البنكية ديالها الاموال نقذا  بدون تحديد سبب لهاد السحب وان شركة بيوي للاشغال بدات كتعيش ازمات متتالية من جميع الجوانب فهاد الايام الاخيرة.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة