كود -وكالات//

عرض رجل الأعمال الهندي أنانت أمباني باش يعتق 80 فرس النهر لي عايشين فـكولومبيا، واللي الدولة ناوية تقتلهم، هاد الحيوانات جاو فالثمانينات مع بارون المخدرات بابلو إسكوبار، وكان داير بيهم حديقة حيوانات خاصة، ومن بعد تكاثرو بزاف حتى ولاو كيشكلو خطر على البيئة المحلية.

فـ13 أبريل 2026، خرجات وزيرة البيئة الكولومبية إيرين فيليز وعلّنات رسمياً قرار إعدام 80 فرس نهر، وشرحات بلي بلا هاد الإجراء ما يمكنش يتحكمو فالتكاثر ديالهم، وأن العدد ممكن يوصل لـ500 واحد فـ2030.

ولكن فـ29 أبريل، رد أمباني وقدّم طلب رسمي باش يتوقف هاد القرار، واقترح ينقل الحيوانات لمركز “فانتارا” للحياة البرية فالهند، فين يقدر يوفر ليهم بيئة مناسبة..

فزمان إسكوبار، كانت حديقة الهاسيندا فيها كثر من 1200 حيوان مدايرش، من بينهم فيلة، زرافات، وحتى أفراس النهر، ومن بعد ما تقتل اسكوبار، أغلب هاد الحيوانات مشات لحدائق الحيوانات، ولكن أفراس النهر هربو وبقاو عايشين فالطبيعة.